Xeylî bajaranê Almanya de tecrîd û hêrişê dewleta Tirkî yê vera Dayîkanê Aşitîye ameyî şermezarkerdene û xoverdayîşî  grevê vêşanîye û rojeyê merî ame silamkerdene.

​Dusseldorf  ​

​

Bajarê Dusseldorfî yê Almanya de, qirse seba ke bale bianco serê grevê vêşanîye û rojeyê mergî, vernîya Konsolosxaneyê Tirkî de ame têhet û çalakîyêk viraşte. Çalakîye de xoverdayîşê Dayîkanê Aşitîye ra wayîr ame vejîyayene. Cinîyan hêrişê dewleta Tirkî yê vera Dayîkanê Aşitîye şermezar kerd û leçegê sipî eştî xo ser. Parlamentera HDP'yî ya Sêrtî ya serdemî 26. Besîme Konca zî tewrê çalakîye bîye.

Frankfurt

Bajarê Frankfurtî zî hêrişê vera dayîkan ameyî şermezarkerdene. Kurdistanijî Frankfurt de û bajaranê der û dorî de ameyî têhet û hêrişê vera dayîkan vernîya Konsolosxaneyê Tirkî de şermezar kerd. Çalakîye de slogana “Bimiro dîktator Erdogan" ameye qîrîyayene û ame waştene ke hêriş cade bêrê qedênayene.

Essen

Bajarê Essenî yê Almanya de zî vernîya Konsolosxaneyê Tirkî de çalakîyêk ameye viraştene û hêrişê vera dayîkan ameyî şermezarkerdene. Cinîyan leçegê sipî eştî xo ser û sloganê ”Hêrsê dayîkan kiştoxan bifatasno”, ”Bi xoverdayîşî ma do ser bikewê”, ”Bê Serekî cuye nêbena” qîrîyayî. Çalakîye de vilawekî ameyî wendene û vilakerdene.