Komîsyonê Şar û Bawerîyan ê DEM Partî HDK û dezgehanê elewîyan reyde ''Serra 100ine ya Komare de Elewîyan'' ser o konferansêk kerdbi. Netîcenameyê konferansî ame eşkerakerdene.

Netîcename de de ame parekerdene ke hêriş û cîyakerîyê vera elewîyan dewam kenê û wina ame vatene: ''Elewîyî dînamîkanê vurîyayîşî yê girîngan ra yê.''

Netîcename de nê birî ameyî girewtene:

''Meseleya elewîyan polîtîk a coka çareserîya ci ganî hetê aktoranê sîyasîyan ra bêra kerdene.

Ganî peynîya polîtîka û hêrişanê ke wextê Osmanîyan ra heta nika yenê kerdene bêra ardene, dewlete polîtîkayanê asîmîlasyonî de têrî bêra, arşîvan abikera û komîsyonanê tehqîqatan ê serê qirkerdişî awan bikera.

Ganî sîyaset, îdareyanê herêmîyan û parlamento de rayîr nêro dayene ke elewîyî sey depoyê rayan bêrê dîyene.

Dezgehê sey 'Serekîya Cemxaneyan û Kulturî ya Elewî-Bektaşîyan' a Wezîrîya Kulturî wa cade bêrê qefilnayene. 

Ganî bernameyê sey ÇEDESî û dersa dînî ya mecburîye bêrê wedaitene.

Seba ke elewîyan vat 'îbadetxaneyê ma cemxane yê' hînî na babete hetê ma ra nêna nîqaşkerdene. Ganî ma bi pêro hêzê xo wayîrê nê beyanî vejîyê.

Ma do seba têdûştîya hemwelatîyan têkoşînê xo rê dewam bikerê.''