Gelîya Godernî mabênê qezayanê Pasûr, Licê û Hezroyî yê Amedî de ya.. Seba ke Awbendê Sîlvanî ser o projeyê GAPî virazîyeno Gelîya Godernî do binê awe de bimana. 

Awbendo ke mîyanê 5 serranê verê ma de dest pê karî bikero do îklîmî herême bivurno. Gelîya Godernî Dewrê Neolîtîkî ra nata mîrasêkê tarîxî û dewlemendî rê meymandarîye kena. Gelîye de şikefte, çemî, leyî, mendeyê qesr û kelayanê Merwanîyan zî est ê. Gelîya Godernî wextê koçkerdişî de milçîkan kena meymanê xo û tede nebatê cîya-cîyayî est ê.

Înşeatî ra û dînamîtan ra mîyanê serran de Gelîya Godernî xeylê zerar dî. Zîretê dewijan yeno astengkerdene û zeraro ekolojîk zêdîyeno. Fotografê peyênî halê gelîye eşkera kenê. Hetêkê Gelîya Godernî wisar o, hetê ci yo bîn talan o!