Artêşa tirke ya ke hêrişanê îşxalî yê vera Herêmanê Pawitişî yê Medya rê dewam kena, sey stratejîyêka şerî xoza wêran kena, jehrîn kena û seba ke herême bêra xalîkerdene her çî kena.

Rejîmê AKP-MHPyî yê faşîstî 9 serrî yo hêrişanê giranan vera Vakur û Başûrê Kurdîstanî keno. Artêşa tirke ya îşxalkere Başûr de bi paştdayîşê PDKyî kurdan rê zulm, xizanîye û bêwarîtîye ferz kena. Dewleta îşxalkere daristananê Cûdî, Gabar, Besta û ê bînan ê Botanî birnena û bena. 

Dewleta îşxalkere 2022 de seba viraştişê rayîranê îşxalî 4 mîlyon darî Başûr de qetil kerdî. 

Sey Vakurê Kurdîstanî Başûr de zî dewleta îşxalkere qirkerdişê ekolojîkî qestî ra ana ca.