Eşkera bi ke Murat Turluyî bi bahaneya 'qerebalixî kenê' cezaya pereyî ya 6 hezar lîra daye Rêxistina HDPyî ya Wanî, hemkarê Vahap Onderî yê AKPyî û şaredarîya înan bi şîrketa Onderî pêro wesayîtê teknolojîkî hêrînayî.
Hetkarê Serekê AKPyî yê Wanî Vahap Onder qer şaredarîya qeyûmî ra nêvejîyeno. Bînaya şaredarîye de ofîsê Onderî est o. Onder bi rayîrê fîrmaya xo Başari Teknolojî şaredarîye ra îhale gêno. Onder pê karta xo ya AKPyî wezîfedaranê şaredarîye rê zî gefan waneno. Onder bi seyan hacetan vaye ra roşeno şaredarîye û bi nê hawayî rantêkê pîlî visneno destî.
Serekê Dayîreyê Kontrolê Pawitişê Dormeyî Murat Turlu zî kadroyê AKPyî ra kewto şaredarîye. Onderî bi xo Turlu tayînê datîreyî kerd.
Eşkera bi ke Murat Turluyî bi bahaneya 'qerebalixî kenê' cezaya pereyî ya 6 hezar lîra daye Rêxistina HDPyî ya Wanî. Turluyî verê cû zî vera Şaredarîya HDPyî dewaya madî ya 200 mîlyon lîra akerdbi.
