HDP, EMEP, EHP, Halkevlerî, SMF, TÎP û TOPî bi eşkerayîyêka hempare dîyar kerd ke ganî çew vera kerdişanê serê Semra Guzel bêveng nêmano.

Partî û rêxistinan vat: ''Terefgîrê kede, demokrasî û azadîye nêbo ke vera kerdişanê serê Semra Guzel bêveng bimanê. Ma metodê destbendkerdişê Semra Guzela ke wekîl a û îradeyê şaran a, metodê pêşkêşkerdişê çapemenîye, ziwanê dişmenîye yê Wezîrê Karanê Zereyî red kenê.

Kelemçekerdişê wekîlêka cinîye, antişê gijikê ci, tedaya seba serewarardişî metodê çimtersnayîşî yê îqtîdarî yo. Me venga partîyanê muxalefetî, rayaumûmîya demokratîke danê ke bêveng nêmanê, nêbê hemparê sûcanê îqtîdarî. Ma bi eşkerayîye pare kenê ke kerdişanê vera Semra Guzel qetî qebul nêkenê. Vera kerdişanê antî-demokratîk û bêhuqûqîyan ma do wayîrê şarî vejîyê. Ma do kede, demokrasî, azadîye, haştîye û edaletî bipawê. Ma do pîya têkoşînî bikerê û pîya bivurnê.''