Heyetê HDPyî CPTyî ra waşt ke wa ê şirê Îmrali

Yeno zanayene ke Rayberê Şarê Kurdî Abdullah Ocalanî ra nezdîyê di serrî yê ke xebere nîna girewtene. Seba nê HDPyî ra heyetêk CPTyî dir pêdîyayîşêk viraşt û waşt ke semedê aşîtî û girewtişê vernîya şerî ganî ê bi lezî şirê hetê Ocalanî.

HDPyî ra heyetêk bi Komîteya Vernîgirewtişê Îşkenceyî (CPT) pêdîyayîş viraşt, wezîfeyê înan ard vîrî û înan ra waşt ke şirê Îmrali.

HDPyî ra Ertugrul Kurkcu û temsîlkarê Strassbourgî yê HDPyî Faik Yagizay, CPT de masayê Tirkîya û sekreterîya êy de ameyî pêhetî û serê rewşê Ocalanî de qisey kerdî. Înan ard vîrî ke serra 2016 ra nat Ocalanî ra qet xebere çinîya û ne keyeyê Ocalanî ne zî avûkatê Ocalanî eşkenî şirî Îmrali.

Heyetê HDPyî bale ante grevê vêşanîye zî û va ke nê grevî hemê cayan de benê vîla, ganî şima bi lezî nê rewşanê grevî zî bîyarî rojdemê xo. Selahîyetdarane CPT yî zi wina cewab da; "Ma derheqê rewşê Ocalanî de her wextî selahîyetdaranê Tirkîye dir dîyalog de yî" .Labelê nê zanayîşî ra wet, rewşê  Ocalanî ser o  sewbîna malumatî nêdayî.

CPT cuwa verê amebi Tirkîya de xeylî hepisxaneyî zîyaret kerdibî la nêşîbî Imralî û Ocalan nêdîbi.