Kombîyayîşê Heyetê Pêroyî yê KNKyî yê 18. de bale amî antene bi muhîmîya yewîya kurdan, ame vatene seva ke tenya 1-2 partîyê kurdan tewrê ci nêbenê nêviraştişê Kongreya Neteweyîye raşt nêyo.
Kombîyayîşo 18. ê Kongreya Neteweyîye ya Kurdistanî roja xo ya 2. de bajarê Baarlo yê Hollanda de dewam keno. Hemserekê KNKyî, endamê ci, endamê heyetê îdarekarî û 4 perçeyanê Kurdistanî ra temsîlkarê partîyanê sîyasîyan û organîzasyonan tewrê ci benê.
Hemserekê KCDK-Eyî Yuksel Koçî vat: „Ewropa de 3 mîlyonî ra vêşêr kurdî estê. Ganî ma sey kurdê ke Ewropa de yê hemverê hêrişanê Şerrê Dinya yê hîrêyinî ke ewro Kurdistan de yenê dewamkerdene xebatanê dîplomasî hîna xurt ray ra berê.“
Koçî bale ante tecrîdê serê Rayberê Şarê Kurdî Abdullah Ocalanî û ard ziwan ke azadîya Ocalanî ganî tenya sey azadîyêka şexsî nêro fikiryayane, sey azadîya Kurdistan û şarê kurdî bêro ercnayene.
PARTÎYÎ GANÎ SEVA AZADÎYA KURDISTANÎ MUCADELE BIKERÊ
Temsîlkaranê partîyanê Partîya Îslamî ya Kurdistanî, Partîya Komunîste ya Kurdistanî, Kurdê Anatoluya Mîyanêne, temsîlkaranê Êzîdî û suryanîyan zî muhîmîya Kongreya Neteweyîye arde ziwan.
Kongre de ame vatene ke perçebîyayîş zaf zirar dano kurdan ro û heta kurdî aşitîya zereyê xo nêvirazê do nêeşkê azad bibê. Perçeyanê Heyetê Pêroyî ra veng dîya PKK, PDK, YNKyî û partîyanê bînan ê Kurdistanî ke Kongreya Neteweyîye virazê.
Vînayîşo pêroyî yo ke netîce de vejîya werte ganî partîyî menfaatê kurdan û Kurdistanî bifikrê û firsendo ke seserrra 21. de kewto dest meremnê.
