Heyetêkê Şingalî Serekê Parlamentoyê Iraqî Helbusîyî de ronişt
Heyetêkê partî û rêxistinanê Şingalî Serekê Parlamentoyê Iraqî Mihemed Helbusîyî de ronişt. Ame parekerdene ke Helbusîyî paştdayîşê xo yê seba komelê êzidîyan ardo ziwan.
Ofîsê Serekê Parlamentoyê Iraqî bi eşkerayîyêke pare kerd ke Serekê Parlamentoyê Mihemed Helbûsî Şingal de ronişto.
Goreyê heman eşkerayîye kombîyayîş de Helbusîyî goş dayo pêşnîyazanê heyetî yê seba çareserkerdişê meseleyan. Dewamê eşkerayîye de wina ame vatene: ''Serekê Parlamentoyî kombîyayîş de paştî daye komelê êzidîyan.''
Heyetî Şingalî yo ke Hemserekê PADÊ Hisên Hecî zî tede yo, seba holkerdişê xizmetan û rewşa Şingalî Iraq zîyaret kerd. Serekkomar Letîf Reşîd zî tede heta nika xeylêk mesuldaranê payeberan ê hukmatî û hêzanê sîyasîyan de pêvînayîşî ameyî kerdene.
