Human Rights Watch (HRW) bi raporêkî hêrişê dewleta tirke ya îşxalkere û çeteyanê ci yê vera Rojawanî girewtî dest. Rapor de hêrişê Tirkîya û çeteyanê SMOyî sey sûcê şerî ameyî pênaskerdene.

Rapor de derheqê hêrişê vera ambulansa Heyva Sore yê 18ê çeleyî de zanayîşo hîra ame dayene û ame vatene ke 4 hêrîşan de ke aşma çeleyî de ameyî kerdene 20 sîvîlî ameyî qetilkerdene û 120 kesî birîndar bîyî. Reyna ame vatene ke rîyê pêkewtişanê ke Awbendê Tişrînî û dormeyê ci de 10ê kanûne ra nate ameyî kerdene de 413 hezarî zafêr kesî awe û elekrîkî ra mehrum mendî. Rapor de bale ameye antene serê eşkerayîya Komîteya Xeça Sûre ya Mîyanneteweyî ser ke vat bi eke awbend zirar bivîno netîceyê ci do semedê şarê herême giran bê.

HRWyî vat ambulansa ke 18ê çeleyî de raşte hêrişî ameye dûrî ra bewlîyo ke ambulan a û ca da vatişanê ramitoxê ambulanse ke hêrişî ra weş xelisîya. HRWyî ard ziwan ke hêrişê vera ambulanse xeletîye ra nêbîyo û vat no sûcê şerî yo.HRWyî raporê xo de bale ante sûcanê Tirkîya û çeteyanê SMOyî ser û vat seba ke Tirkîya hêrişê binawanîyanê awe û elekrîkî kena bi mîlyonan merdimî mexdûr benê.

HRWyî veng da komelê mîyanneteweyîyî ke vera hêrişanê Tirkîya-SMOyî yê vera sîvîlan vengê xo berz bikero ke hêrişî bêrê vindarnayene. HRWyî ard ziwana ke pirodayîşê ambulanse ke sîvîlê birîndarî kiriştêne, tesaduf nîyo û vat no sûcê şerî yo û ganî Tirkîya-SMO hesabê nê bidê.