Çarçewa tehqîqatêkê Serdozgerîya Komare ya Îstanbulî de polîsan serê sibayî eşt xeylê adresan ser. Sereştişê polîsanê tirkan de Hemsereka ESPyî Denîze Aktaş û Hemsereka SGDFyî Berfîne Polat zî tede xeylê endamê SKM, BEKSAV, ESP û SGDFyî ameyî destbendkerdene.

Nê kesî ameyî destbenkerdene: Denîz Aktaş, Okan Danaci, Tanya Kara, Senem Nûr Pektaş, Berfîn Polat,  Melîha Kayaci û Serpîl Topal,  Zuleyha Muldur, endamên ESP’ê Ezgî Gurbuz, Emrah Topaloglû, Cafer Erozsoy, Gamze Toprak, Sezgîn Zevkîbol, Leyla Can, Sîmay Ada Kart, Erol Tunç, Eylul Ozturk, Îbrahîm Akbay, Berkan Devecî û Beyza Nûr Samanci.

Buroyê Huqûqî yê Bindestan (EHB) hesabê xo yê medyaya dîjîtale ra pare kerd ke derheqê muwekîlanê înan ê bînan de zî qerarê cigêrayîşî est o, dosya ser o bira nimitişî est a û 24 saetan destbendkerdeyan rê pêvînayîşê bi avûkatan qedexe yo.