Her ke şono verba hêrişanê îşxalkarîye yê dewleta Tirkî yê serê Vakur û Rojakewtena Sûrîye tewirêkê pîlî yenê mojnayenê. Muzîsyeno namdar o Kurd Kêyhan Kalhorî vizêr bi eşkerayîyêk tewirê xo yê verba îşxalkarîye mojna û serê nê esasî konserê xo yo ke dimayê di rojan Stanbol de bibîyêne, batal kerd.

Kelhorî konsero ke London de pêşkêş kerd de vat: "Ez bi vengêko dejên qisey keno û sîyasetmedaran rê vano ke şerkerdişê verba Kurdan ra fek vera bidê. Domanê şarê mi Vakurê Sûrîye de nê şewan binê bombardûmanan de ciwîyenê. Rewşêka winasêne de nêzaneno se vajî. Vatişî rê cayêk nêverdayo. Mi qerar da ke konserê xo yê Stenbolî batal kena."