Delegasyonê Huqûqnasanê Vera Tecrîdî yê Mîyanneteweyîyî seba ke derheqê tecrîdê vera Rayberê Şarê Kurdî Abdullah Ocalanî de pêvînayîşan bikero Amed de yo. Huqûqnasan hêverî Komeleya Huqûqnasan a Seba Azadîye (OHD) zîyaret kerde. Hemsereka OHDyî Ekîne Yeter û îdarekaranê heyetî û wasîyê Abdullah Ocalanî Mazlûm Dînç heyet pêşwazî kerd.

Ekîne Yeter wextê zîyaretî de karanê komele ser o agahîyî dayî. Dima Yetere û îdarekaranê OHDyî qalê binpaykerdişê heqanê merdiman, tecrîdê Îmraliyî û rewşa zîndanan kerd.

Huqûqnasanê delegasyonî bale ante girîngîya paşdayîşî ser û dîyar kerd ke ê tecrîdê vera Rayberê Şarê Kurdî nêzdî ra teqîb kenê. Delegasyonî da zanayene ke ê do pêro platfoman de tecrîdî bîyarê ziwan.

Endamanê heyetî dima Komeleya Cinîyan a Rosa zîyaret kerde. Sereka Komele Suzane Îşbîlen heyetî rê pare kerd ke dima ke qeyûmî dest na şaredarîye ser dezgehê cinîyan qefilnayî coka bara komele giran bîya. Suzane xebatanê komele ser o agahîyî dayî û vat ke ê do paştî bidê komele.

Zîyaretê endamanê delegasyonî do dewam bikerê.