Endamê Konseya Rayberdişî ya PKKyî Duran Kalkanî îfade kerd ke îqtîdarê Tirkîya çiwext bikewo tengahî tim hêrişê Îmrali, gerîlayan, Rojawan û sîyasetê demokratîkî kenê û vat, “ Zaf tersenê la do birijîyê!”
Endamê Konseya Rayberdişî ya PKKyî Duran Kalkanî programêkê taybetî yê Medya Haberî de qisey kerd.
Kalkanî wina vat: ''Merdan Yanardagî seba ke qala tecrîdê Îmraliyî kerd, qanûnî vistî vîrî û vat sûc mekerê ame tepiştene. Eke çens sosyalîst, nuştox, demokrat û hunermendî zî nînan bîyarî ziwan sîstemê Îmraliyî rijîyeno. Înan tersî ver Yanardag tepişt. Eke kesêko bînî sey ey qisey bikero mecbur manenê ke sîstemê Îmraliyî çîn bikerê. Nêeşkenê bidomnê. Seba ke nê ra tersene lazabez vengê Yanardagî birna. Zaf zehîf ê. Eke hêzdar bîyênî, wina nêkerdêne.Zehîfîya xo ra vera Rayber Apoyî zext kenê. Çiwext kewnê tengayî, bin kewnê kenê ke bi tecrîdî emrê xo derg bikerê la do birijîyê.
Gerek Rayber Apo bireso azadîya xo ya fîzîkîye. Hinî qet yew qanûnê Ewropa û Amerîka nêeşkeno sîstemê Îmraliyî bidomno. Xora gerek semedê rijnayîşê tecrîd, faşîzm û sîtemê qirkerdişî têkoşîn dahîna plankerde û rêxistinkerde bêro kerdene.''
