Kampanyaya mektuban a seba Leyla Guvene dewam kena
Hemsereka Kongreya Cimatî ya Demokratîke (KCD) û parlamentera HDP’yî yê Colemêrgî Leyla Guvene 190 rojî yo vera tecrîdkerdişê Ocalanî grevê vêşanîye de ya.
Kampanyaya mektuban a seba Leyla Guvene bi nameyê “Mektubêk, hezar hêvî" yena viraştene û hetê Cinîyê Ciwan ê Azadî û Cinîyê Wendekar ê Kurdistanî ra yena rayraberdene.
Bi desan mektubê ke heta nika ameyê nuştene merkezê Cinîyê Ciwan ê Azadî de kom bîyî. Her di dezgehanê cinîyan vengdayîş bi cinîyanê ciwanan kerd ke hîsanê xo binusê û bi rayîrê Facebookî biresnê adresa Cinîyê Wendekar ê Kurdistanî (JXK). Mektubî do bi hawayo komkerde Leyla Guvene rê bêrê şawitene.
