Seba ke PKK 'lîsteya terorî' ra bêro vetene şaristanê Torontoyî yê Kanada de rayberîya Komunê Cinîyan ê Azadan ê Sara û Meclîsê Şarê Kurdî yê Demokratîkî de çalakîyêke ameye kerdene û kampanyaya îmzayan dîyaye destpêkerdene. Çalakîye de bale ameye antene tecrîdê vera Rayberê Şarê Kurdî Abdullah Ocalanî ser zî.

Çalakîkerî pê sloganan 2 saetan kuçeyanê tewr qerabalixan ra şîyî û înan verê Şaredarîya Torontoyî de zî govende girewte. Çalakîkeran eşkerayîye wende, tecrîdê Îmraliyî şermezar kerd û vat: ''Ganî dewleta tirke ya faşîste cade peynîya nê sûcî bîyara.''

Çalakîye de şehîdê Qirkerdişê Paris û Silopî ameyî yadkerdene û dîya zanayene ke heta kiştoxî bêrê cezakerdene têkoşînê înan do dewam bikero. Çalakîye de ame waştene ke tecrîd û zulmê vera kurdan bêro qedînayene, PKK lîsteya terorî ra bêro vetene.

Dima zî çalakîkeran vilawekî vila kerdî û çalakîye pê merşê Çerxa Şorişê qedînaye.