Têgêrayîşê Ciwanan ê Şorişgêran (TCŞ) û Têgêrayîşê Cinîyan ê Ciwanan ê Têkoşêran (TÊKO-JIN) bi eşkerayîyêke venga pêro ciwanan û kurdan da ke seba ke PKK mîyanê 'lîsteya terorî' ra bêro vetene tewrê kampanyaya îmzayan bibê.

Eşkerayîye de ame vîrvistene ke sîyasetmedar, nuştox, aktîvîst, wekîl, huqûqnas û hunermendan seba ke PKK lîste ra bêro vetene platformêk awan kerdo û bi nê armancî heta nika bi hezaran îmzayî arê dayê.

Ciwanan vat: ''Meseleya kurdan pê çareserîya haştîyane û dîyalogan çareser bena. Nê dîyalogî ganî PKK zî tede hetê tay terefan ra bêrê kerdene. La seba ke PKK mîyanê 'lîsteya terorî' de ca gêno verê dîyaloganê bi ey yeno girewtene. Têkoşînê PKKyî ewro seba şaran alternatîf o labelê Ewropa hema zî şaşîtîya lîste rê dewam kena.

Ma qerardar ê ke kampanyaya îmzayan her cayê Ewropa de bîyarê ca. Ma venga pêro kurdîstanijan, ciwanan û dostan danê ke estbîyayîşê kurdan ê azadan pê PKKyî mumkîn o ke nê oxirî de bi hezaran şehîdî dayê. Ganî ciwanî na raştîye xo vîr a mekerê û her ca de na kampanya pîlêr bikerê. Wa ciwanî vejîyê meydanan û paştdayîşê xurtî bidê na kampanya.''