Xeylêk merkezanê Ewropa de rayberîya Têgêrayîşê Ciwanan ê Şorişgêran (TCŞ), Cinîyan ê Wendekaran ê Kurdîstanî (JXK) û Ciwananê Enternasyonalan de seba ke PKK mîyanê lîsteya terorî ra bêro vetene standê îmzayan ameyî akerdene.

Şaristanê Kolnî yê Almanya de çarçewa Hemleya 'Werin Cenga Azadîyê' de stand ame akerdene û îmzayî arê dîyayî. Stand de kitabê Rayberê Şarê Kurdî Abdullah Ocalanî zî ameyî dayene û agahîyî ameyî dayene.

Şaristanê Marsilya yê Fransa de TCŞ, TÊKO-JIN û Ciwananê Enternasyonalîstan warê Plaine de standê îmzayan arê da. Çarçewa çalakîye de ciwananê komelê Freansa agahîyî dayî.

Şaristanê St. Gallenî yê Swîsre de rayberîya TCŞ û Komîsyonê Kulturî de standî ameyî akerdene. Stand raştê provakasyonê nîjadperestanê tirkan ame. Dima ke polîsî ameyî nîjadperestî remayî.

Şaristanê Frankfurtî yê Almanya de Meclîsê Şarî standê îmzayan akerd û agahîyî dayî merdiman. Ewro zî stand de xebata îmzayan do dewam bikera.