Hemserekê KONGRA-GELî Remzî Kartalî bi rayîrê ajansê ma bi taybetî şarê herêma Serhedî venga pêro şarê Kurdîstanî da ke 14ê gulane de AKPyî bin bivisnê.

Kartalî bale ante ser ke rejîmê AKP-MHPyî keno ke îradeyê kurdan, Rayberê Şarê Kurdî Abdullah Ocalanî û gerîlayan bişikno û pêro kesan bikero binê kontrolê xo. Kartalî vist vîrî ke 14ê nîsana 2022yî ra nata rejîmê AKP-MHPyî bi her metodî hêrişê gerîlayan keno la reyna zî bin kewto. Kartalî ard ziwan ke şerê AKP-MHPyî ra şar mîyanê krîzê ekonomîkî de yo û vat: ''Nê weçînayîşî seba rijnayîşê rejîmê AKP-MHPyî firsendêko pîl o. Binkewtişê AKP-MHPyî do seba kurdan û demokratan bibo destpêkê prosesêkê azadî û demokrasî. Seba ke Partîya Çep a Keske bi xurtî bikewa Meclîsî ganî şarê ma bi îradeyêkê pîlî şoro sindoqan ser. Ez venga pêro kurdan û tirkîyayîjan dana ke bibê yew û 14ê gulane de raye bidê. Asayîşê sindoqan zî ma bîyarê ca, qetî sindoqan terk nêkerê.''

Hemserekê KONGRA-GELî Remzî Kartalî ard ziwan ke atmosferê Partîya Çep a Keske û hêzanê demokrasî zaf xurt o û hêvîya serkewtişî dano.

Kartalî venga weçînitoxanê herêma Serhedî da û vat: ''Wa şaristanê herêma Serhedî nê weçînayîşan de rolê xo bîyarê ca. Wa AKP nêeşko nê şaristanan de raye bigêro. Wa Wan, Colemêrg, Agirî, Îdir û Mûş de Partîya Çep a Keske hemleyêka pîle bikera. Ma zanenê ke rejîmê AKPyî vera şarê Wanî kayanê pîlan keno. Wa şarê Wanî rejîmî ra qesasê xo weçînayîşan de bigêro.''