Hemserekîya KCDK-E bi mesajêkî beşdarê rayraşîyayîşê Dusseldorfî yê 25ê hezîrane selam kerdî.

KCDK-E mesajê xo de vat: ''Rayraşîyayîşê heybetînî yê Dusseldorfî de 50 hezar kesan war kerd de. Çalakîye de hêrişê îşxalî, hêrişê kîmyewî û qirkerdişê dewleta tirke ameyî şermezarkerdene, bêvengîya hêzanê mîyanneteweyîyan ameye protestokerdene û wayîrê gerîlayan ame vejîyayene.

Bi des hezaran kesan pîya sloganê 'Ma Kurdîstanî vera hêrişanê kîmyewîyan ê Tirkîya bipawê, pê têkoşînê azadîya kurdan paştî bidê' berz kerd. Rayraşîyayîş de fotografê Rayberê Şarê Kurdî Abdullah Ocalanî ameyî berzkerdene. Temsîlkarê Sendîkaya Îngilîstanî Somon Dubbinsî ard ziwan ke ê do tim mil bidê têkoşînê kurdan.

Çalakîye pê coşêka pîle qedîyaye. Ma şarê xo, dostanê xo, şorişgêran, demokratan, pawitoxanê heqanê merdiman, cinîyan, domanan, ciwanan û kal û pîran ra sipas kenê ke xeylêk şaristananê Ewropa ra ameyê Dusseldorfî, qerardarîya xo arde ziwan û îradeyê xo mojna.''