KCDK-E  bi eşkerayîyêka nuştekîye bale ante tecrîdê  serê Ocalanî   û Kurdistanijan û dostanê înan ra waşt ke wa tewrê grevanê vêşanîye bibî.

KCDK- E vist vîrî ke tecrîd çend şino xorî beno û va: ‘‘Tecrîdî ya pîya Kurdistan de qirkerdişî û Tirkîya de zî ixlalkerdişê heqan zafêr benî. Tirkîya bêvengîya Komîteya Vernîgirewtişê Îşkenceyan (CPT) û dezgeyanê bînan ê mîyanneteweyîyan ra zî paşt gêna. Welat açarnayo zîndanê akerdeyî. Muxalîf û êyê ke vera sîstemê nînan ê heme zîndanan de ameyî cakerdene.

Hemverê nê zextan de parlamentera HDPyî Leyla Guvene û bi hezaran tepişteyanê sîyasîyan zîndanan de dest bi grevê vêşanîye kerd. Nika zî Ewropa de do mabênê 6-21ê Kanûne de grevê vêşanîye bêrî destpêkerdene. Çalakîyê ma heme Ewropa, Kanada û Awusturalya de do heta destfînayîşê waştişê xo dewam bikerî. Reyna 15 - 22ê Kanûne de do bi heman waştişî rayraşîyayîşî bêrî viraştene.

Ma sey KCDK-Eyî tîya ra veng danê şarê ma û pêroyê hetanê demokratan wa tewrê çalakîyanê ma yê ke mabênê 6- 21ê Kanûne de do Ewropa, Kanada, Awusturalya û Japonya de  bêrî vişratene bibî û paştî bidê înan.‘‘