Dîwanê Serekatîya Kongreya Cimatî ya Demokratîka Kurdan ê Ewropa (KCDK-E) derheqê Festîvala Dêrsimî de ewro eşkerayîyêka nuştekîye weşanaye.

Eşkerayîye de nê ameyî parekerdene:

“Sey her serre şarê Dêrsimî emser zî 24-25’ê Gulane 2019 de Festîvala Dêrsimî de pîroz bikero. Em KCDK-E û têhetameyîşê ci, ma do bi ruhê xoverdayîşî yê Seyîd Riza, Elîşêr û Zarîfe seba tewrbîyayîş bixebitîyê û a roje wareyê festîvale de bibê.

Festîvala Dêrsimî teyna festîvalêk nîya. Her çalakîya ke bi nameyê Dêrsim yena viraştene, yena manaya tewirê vera qirkerdişê Dêrsimî. Seba qesasê Seyîd Riza, Elîşêr û Zarîfe ganî heme Kurdî tewrê çalakîye bibê. Seba ke Seyîd Riza, Elîşêr û Zarîfe teyna seba Dêrsimî şer nêkerdo, înan seba heme Kurdistanî şer kerdo, ê şehîdê heme Kurdistanî yê. Seba naye zî her xebato ke seba Dêrsimî yeno kerdene, seba heme parçeyanê Kurdistanî yeno kerdene. Na Festîvala Dêrsimî zî înan ra yew a.

Bi ruhê xoverdayîşê grevê vêşanîye yê zîndanan û xeylî welatanê cîyayan, bi bawerîya Leyla Guven a ke serkêşîye kena, ma tewrê Festîvala Dêrsimî bibê.”