KCDK-E seba mîtîngê Brukselî vengdayîşê tewrbîyayîşî kerd
KCDK-E seba mîtîngê Brukselî yê 22’ê Gulane vengdayîşê tewrbîyayîşî kerd. KCDK-E vat, “Ma vengdayîş bi heme kesanê hîsgêran kenê ke wa tewrê nê mîtîngî bibê.”
KCDK-E seba mîtîngê Brukselî yê 22’ê Gulane vengdayîşê tewrbîyayîşî kerd. KCDK-E vat, “Ma vengdayîş bi heme kesanê hîsgêran kenê ke wa tewrê nê mîtîngî bibê.”
Dîwanê Serekatîya Kongreya Cimatî ya Demokratîka Kurdistanijan a Ewropa (KCDK-E) eşkerayîyêka nuştekîye weşanaye û seba mîtîngê 22’ê Gulane vengdayîşê tewrbîyayîşî kerd.
Eşkerayîya KCDK-E wina ya:
“Xoverdayîşo ke bi serkêşîya Leyla Guvene amebi destpêkerdene, pêl bi pêl 4 parçeyanê Kurdistanî de, Tirkîya û heme dinya de vila bi.
Bi rojeyê mergî yê 30 tepişteyan û bi xoverdayîşê dayikanê leçegsipîyan no xoverdayîş kewt merheleya newîye. Semedê nê xoverdayîşî dîktatorîya faşîst a AKP û MHP’yî game eşte û dimayê 8 serran destûr da ke avûkatî şorê Îmraliyî û tewr peynîye de CPT’yî zî derheqê Îmraliyî de eşkerayîyêka fermîye daye.
Nê heme çîyî netîceyê xoverdayîşê 6 mengan de qewemîyayî. Labelê reyna zî no nêno a mana ke tecrîdê serê Rayberê Şarê Kurdî Abdullah Ocalanî ameyo wedaritene.
Seba wedaritişê tecrîdî ma vengdayîş bi şarê xo yê Almanya, Belçîka, Hollanda û Fransa de yo kenê ke wa tewrê mîtîngê 22’ê Gulane yê Brukselî bibê. Çalakîye do roja Çarşeme saete 10.00 de Gare de Centralî de dest pê bikera û bi mîtîngêk vernîya Parlementoyo Ewropa biqedîyo.
Ma vengdayîş bi heme kesanê hîsgêran kenê ke wa tewrê nê rayraşîyayîş û mîtîngî bibê.