Dîwanê Hemserekîye yê KCDK-E  ard ziwan ke îdîayê ke derheqê weşîya Rayberê Şarê Kurdî Abdullah Ocalanî de erzîyayî werte qesawetî zafêr kerdî û venga kurdan û dostanê înan da ke wa lezabez vejîyê kuçeyan.

KCDK-E bale ante eşkerayîya avûkatanê Ocalanî ke ewro derheqê îdîayanê sosyale medyaya de ameye dayene ser û vat: ''Ma qet wext vînî mekerê her cade vejîyê meydanan. Ma veng danê kurdan û dostanê înan ke heta Rayber Apoyî ra xeberê bêro girewtene wa kuçeyan de bê.''

Eşkerayîye de ame vîrardene ke Abdullah Ocalan 22 serrî yo binê tecrîdê giranî de yo ame vatene ke şarê kurdî ey sey ameyox û xeta xo ya sûre vîneno û wazeno ke cade wa pêvînayîş bêro kerdene. Ganî cade keye û avûkatê ey pêvînayîş bikerê û sîstemê îşkence û tecrîdî wedarîyo.