Serekkomarê Tirkîya Recep Tayyîp Erdogan dawetê Serekwezîrê Almanya Scholzî ser o 17ê teşrîna peyêne de do şoro Almanya. KCDK-E bi eşkerayîyêke dawet şermezar kerd.

KCDK-E bale ante ser ke Erdogan sûcdarê şerî yo û kiştoxê şarê kurdî yo. KCDK-E vist vîrî ke 18ê teşrîna peyêne de kurdî do Berlin de vera qedexeyê serê PKKyî rayraşîyayîşê pîlî bikerê û no zîyaretê Erdoganî rîyê almanya yê raştikênî eşkera keno.

KCDK-E ard ziwan ke eke Almanya wayîra erjanê globalan biba Erdogano ke sûcdarê şerî yo dawet nêkerdêne û ganî Almanya dawetê xo betal bikera.

KCDK-E vat: ''Bêguman pêvînayîşê Erdogan û Scholzî de şerê Rojhelatê Mîyanênî, îdarekerdişê koçberîye, ameyoxê peymana Yewîya Ewropa û Tirkîya, hemkarîya NATO û planê gemarinî yê vera kurdan do bêrê qiseykerdene.

Şarê Almanya, rêxistinê demokratîkî û çepgîrî zî nê zîyaretî şermezar kenê.

Sey kurdîstanijan ma nê zîyaretî şermezar kenê. Ma venga dewleta Almanya danê ke cade nê tewirê xo ra fek vera bida û dawetî betal bikera. Ma venga şarê xo û pêro dostanê xo danê ke 18ê teşrîna peyêne de Berlin de seferber bibê û bi girseyî cewab bidê Erdoganê dîktatorî û hukmatê Almanya.''