KCDK-Eye seba tewrbîyayîşê merasîmê Ûmût Acarî ke seba tecrîdê ser Ocalanî û zîyaretkerdişê Almanya yê Erdoganî şermizar bikero, xo veşnabi, veng daye û waşte ke wa herkes wayîrê cenazeya ey bivejîyo.
Ûmût Acar ke sebe protestokerdişê tecrîdo ke Rayberê Şarê Kurdî Abdullah Ocalanî ser o esto û zîyaretkerdişê Almanya yê Erdoganî xo veşnabi, cenazeya ey ewro saete 13.00 de bi merasîmêk do bişawîyo Kurdîstanî. Dîwana Hemserekîya KCDK-Eye seba tewrbîyayîşê merasîmî bi eşkerayîyêke veng daye.
Eşkerayîye de nê pare bîye:
“Kurdî seba wedarnayîşê tecrîdê ser Rayber Apoyî 20 serrî yo ke kuçeyanê Ewropa de çalakîyan de yî. Çalakîya ke Ûmût Acarî viraşte, kes çalakîya winasî nêwazeno la rixmê naye na çalakîye, vera bêvengîye de, çalakîya serewedatişî ya şarê kurdî ya.
Cenazeya Acarî ewro bi merasîmêk Kurdîstan rê do bêro şawitene. Merasîm Sportgaststatte TSV Altenfurt Apostolose Lukas, Wohlauer strasße 16, 90475 Nurnberg de yeno viraştene. Sere de Munchen, Nurnberg, Ulm, Bodensee, Pforzheim, Heilbron, Stuttgart, Gissen, Franfurt, Darmstad, Mainz, Manheim ra û peroyê welatperwerî û dostî wa tewrê merasîmî bibî û wayîrê ci bivejî.“
