KCKyî agahîyê ke ajanê MÎTî kesê bi nameyê Yunus Toptaşî dayê, eşkera kerdî ke nê agahîyî derheqê rêxistinîya ajanîye ya dewleta tirke de yê. Eşkerayîya KCKyî ya serê babate wina ya:

''Dewleta tirke vera şarê kurdî polîtîkayanê qirkerdiş û îmha rê dewam kena. Dewleta tirke binê konseptê dejenerekerdiş, fuhuş, tîryakî û 'festîvalan' de ciwanan kena yoz û kena ke nê konseptî hîna zaf vila bikera. Dewlete kena ke keyeyanê ciwanan muhtacê panc qurişan bikera, vêşan biverda û bi nê hawayî hetê manewî, exlaqî û ruhanî ra kurdan bi temamî çin bikera.

Dewleta tirke nê şerê gemarinî, konseptê yozkerdişê komelî çekanê kîmyewîyan reyde vera gerîlayan şuxilnena.

Yunus Toptaşî teyna ajanîye nêkerde, ajanî zî rêxistin kerdî

Yunus Toptaş wextêkê dergî ra nata hetê dewlete ra yeno şuxilnayene. Nê kesî xeylêk qeza û şaristananê Vakurê Kurdîstanî de û Başûrê Kurdîstanî de têkilîye naye ro, agahîyî arê dayî û destê ci de gonîya xeylêk gerîla û welatperweran est a. No kes kesêko winayên o ke seke pêşê dişmenî de ciwîya, vateyê dewlete, kontra û hêzanê şerê taybetî yewver ardî ca.  No ajano ke wayîrê kesayetêkê lumpenî yo, tede ferasetê yewîye çin o, teyna seba xo ciwîyeno tewr peyên ey gerîlayî antî dafika dişmenî ser û rîyê ci ra gerîlayê ma şehîd bîyî. Nê kesî teyna ajanîye zî nêkerde; ajanî rêxistin kerdî, bi elemananê şerê taybetî de xebitîya û lumpenê bînî zî antî dafika ajanîye.

Yunus Toptaş Anqara ra heta Îstanbulî, Amedî ra Îzmîr, Hewlêrî ra heta Silêmanî gêra, nê cayan de ajanîye kerde, îstîxbaratî arê dayî, lokasyonê gerîlayan û welatperweran dayî dişmenî. Agahîyê ke ey dayê dişmenî bîyî sebebê şehadetê gerîla û welatperweran. No unsuro ajan merdimê şehîd Ramazan Toptaşî (Sari Îbrahîm) o. Seba ke merdimê şehîdêkî bîyo û sey welatperwerî şinasîyayêne nê kesî bi rehetî têkilîyî nayî ro. Nê kesî nê nasnameyî şuxilnayî û gerîlayan rê îxanetêko pîl kerd. No keso ke verê dişmenî de amade vindertêne, pê vateyê dişmenî têgêrayêne hetê hêzanê ma ra tepişîya, hetê yewinanê eleqedaran ra gêrîya binê tehqîqatî, verê delîlan û belgeyan de neçare mendo ke sûcanê xo îtîraf bikero.

Semelka de MÎTî sîstemê rîşinasnayîşî ca kerdo

Nê kesî bi xo teyîr kerd ke mabênê Başûr û Rojawanî de Berê Sînorî yê Sêmalka de wird hetanê bînaya kontrolî de îstîxbaratê tirkan (MÎT) pê destekê PDKyî sîstemê rîşinasnayîşî cakerdo ke dekewtiş û vejîyayîşan kontrol bikero.

Ajan Yunus Toptaşî îtîraf kerd ke ey Vakur de kerdêne ke welatperweran bikero ajan. Reyna îtîraf kerd ke bi destê MÎTî eroîn, çekî ûsn. rotêne û ameyeyê nînan zî MÎTî reyde bar kerdêne. Unsurî vat 'Mi teyît kerdêne ke pê agahîyanê ke ma dayêne çend gerîlayî kişîyayê û mi malzemeyî tedarîk kerdêne.' Nê unsurî qebul kerd ke seba ke torra ajanîye koordîne û kontrol bikero şîyêne Başûrî.

Yunus Toptaşî nê agahîyan ra dima ma rê vat ke poşman bîyo, ey keyeyê xo yê welatperwerî, merdimê xo yê fermandarê gerîlayan, komel û şarê Kurdîstanî rê îxanet kerdo. Ey partîya ma, Rayber Apo û şarê Kurdîstanî ra efûya xo waşte. Ey ard ziwan ke xatirê di domananê xo ra wa bêro efûkerdene û o do qetî xayînîye nêkero...

Ma venga şarê xo û keyeyanê şehîdan danê ke verê nê polîtîkayanê dewleta tirke de hişyar bê, nê unsuran rê heqê ciwîyayîşî medê, vera nê xayîn û hemkaranê ajankerdeyanê ke kewtê gonîya gerîlayan, tewir bigêrê.''