Komîteya Şar û Bawerîyan a KCKyî bi eşkerayîyêke Roşanê Noelî yê şaranê Xirîstîyanan fîraz kerd. Eşkerayîye wina ya:

''Xirîstîyanî Roşanê Noelî fîraz kenê û merdimatî zî xo amade kenê ke dest bi serrêka newîye bikerê. 

Sey Têgêrayîşê Azadîye yê Kudîstanî şexsê xirîstîyananê Kurdîstanî de ma Roşanê Noelî yê pêro xirîstîyanan fîraz kenê. Ma hêvîdar ê ke 2025 de şerî biqedê, merdimatîye biba wayîra cuyêka haştîyane, aram, wayûbiratî û azade. Ma keyeyanê ê kesanê ke Magdeburgê Almanya de heriş de dinayay xo bedilnayê serweşîye wazenê.

Rixmê şer, rijîyayîş û trajedîyanê pîlan zî ma serra 2024î bi têkoşîn û xoverdayîşê demokrasî û azadîye qedînenê. Ma pê bawer ê ke meseleyê Rojhelatê Mîyanênî bi berzkerdişê têkoşînê azadîye, bi yewîya şarî û bi xurtkerdişê destekî do çareser bibê. Ma zî têkoşînê xo danê ney ra.

2024 de şerê hêzanê serdestan ra Rojhelatê Mîyanênî de dejê pîlî ameyî antene û rijîyayîşê girdî qewimîyayî. Şarê ma yê Rojhelatê Mîyanênî binê tehluke û gefan de têkoşînê xo rê dewam kenê. Dewleta tirke vera şaranê Rojawanî û herême tehluke ya ke bi cerganê xo yê SMOyî hêrişê xo zêdînayê. Dewleta tirke ya qirkere dişmenîya pêro bawerîyan kena. Vera nê hêrişan ganî bawerî û şarî yewîya xo awan bikerê û pîya Sûrîyeya newîye awan bikerê. Ma hêvî kenê ke Noelo emserîn do bibo wesîleya Sûrîyeya newîye ya demokratîke û azde. 

Bi na wesîle ma venga şaran danê ke 2025 de vera dewlet û îqtîdaranê faşîst, qirker, kolpnyalan ê Kurdîstan, Rojhelatê Mîyanênî û her cayê dinya xo yew bikerê. Ma bi nê hîsan Roşanê Noelî fîraz kenê. Ma venga pêro kesan danê ke seba awankerdişê Sûrîyeya Demokrayîke erk û mesuldrîyanê xo bîyarê ca. Ma hêvî kenê ke 2025 do Rojawan û Sûrîye d ebibo serra serkewtişê têkoşînê neteweya demorkatîke.''