Hêzê PDKyî rojnamegera hollandayije Frederike Geerdinka ke waşt Hewlêrî ravêro Rojawanî verî vindarnaye nika zî wazenê tebersînor bikerê.

Rojanmgera hollandayije Frederike Geerdinka ke bi serren o Kurdîstan û kurdan ser o cigêrayîşan kena hesabê xo twitterî ra da pêhesnayene ke a hela ke ravêrtêne Rojawanê Kurdîstanî ameye astenkerdene û peyser şawîyaye Hewlêrî.

Geerdinke vat îdareyê Hewlêrî a sey ''kesa ke nîna waştene'' name kerd û seba ke aye sînorteber bikerî berde meydanê teyarayan ê Hewlêrî.

Frederike Geerdink seba ke hemkarîya PDK û dewleta tirke rexne kerdbî bi îdîaya ''propagandaya rêxistine'' hetê selahîyetdaranê tirkî ra  cayê roniştişê ci Sûrê Amedî ra ameybî tebersînorkerdene..