Konfederasyonê Sendîkayanê Kedkaran ê Umûmîye (KESK) merkezê pêroyî yê KESKî de kombîyayîşêkê çapemenîye kerd û bernameyê 8ê Adare eşkera kerd.Sekretera Cinîyan a KESKî kombîyayîş de qisey kerd û derheqê bernameyî de zanayîşî dayî.

Goreyê eşkerayîye bernameyê 8ê Adare yê KESKî wina yo: ''Ma do cinîyan kargehan de zîyaret bikerê, kombîyayîşanê cinîyan serûber bikerê û bi eşkerayîyanê çapemenîye yê verê kargehan de  watişanê cinîyan ê kedkaran pare bikerê. 4ê adare de ma do pêro şaristanan de verê Mudirîyetanê Şaristanan ê Xizmetanê Komelkîyan, Kar û Keyeyan de bibê. Ma do venga wezaretî bidê ke wezaret meseleyanê cuye yê cinîyan peygoş keno û reyna ma do biwazê ke Wezaretê Cinîyan û Têdûştîye bêro awankerdene.7 û 8ê adare de şaristananê pêroyînan de rêxistinanê cinîyan reyde ma do meydanan de bibê.''