Birayê Rayberê Şarê Kurdî Abdullah Ocalanî Mehmet Ocalan û  wasîyê ci Mazlum Dînçî û keyeyanê tepişteyan ê bînan ê Îmraliyî  Omer Hayrî Konar,  Hamîlî Yildirim, Veysî Aktaşî  seba pêvînayîşî muracatê Serdozgerîya Komare ya Bursa kerd.

Ocalanî û tepişteyanê bînan tewr peyên 27ê nîsane de birayê xo Mehmet Ocalanî reyde pê telefonî qisey kerd. Tepişteyanê bînan zî 2015î ra dima reya verêne pê telefonî keyeyanê xo reyde qisey kerdbi.

Hetê bînî ra muracatê avûkatan ê seba pêvînayîşî bi bahaneya qedexeyê avûkatan ê 6 mengan ame redkerdene.