Birayê Rayberê Şarê Kurdî Abdullah Ocalanî Mehmet Ocalan û warisê ci Mazlûm Dînçî muracatê Serdozgerîya Komare ya Bursa kerd ke mabênê tarîxanê 11-15ê gulane de şirê Îmrali.

Avûkatanê Ocalanî Rêzan Sarica, Razîye Turgut, Îbrahîm Bîlmez û Serbay Kokluyî zî seba ke mabênê eynî rojan de muwekîlanê xo de pêvînayîş bikerê muracatê serdozgerîye kerd.

Keyeyanê tepişteyan ê bînan ê Îmraliyî ra birayê Omer Hayrî Konarî Alî Konarî, birayê Hamîlî Yildirimî Polat Yildirim û waya Veysî Aktaşî Melîhe Çetîn zî bi rayîrê avûkatanê xo seba pêvînayîşî muracat kerd.