Îdarekarê MÎTî Osman Kose 17ê temmuza 2019î de şaristanê Hewlêrî yê Başûrê Kurdîstanî de amebi kiştene. Derheqê serebûtî de Mazlûm Dag û Abdurrahman Erî rê cezaya îdamî dîyaye. Keyeyanê Er û Dagî venga rayaumûmîye da.

Keyeyan Swîsre de Îdareyê Başûrê Kurdîstanî ra waşt ke bira îdamî bêra betalkerdene û venga rayaumûmîya mîyanneteweyîye da.

Necmettîn Erd û Mesut Alagaşî nameyê keyeyan ser o qisey kerd û pare kerd ke dezgehê kurdan, Rêxistina Efû ya Mîyanneteweyîye û rêxistinê komelê sivîlî xîret kenê ke vera bira îdamî vindarnê.

Necmettîn Erî ard ziwan ke bira îdamî ya hukmatî zerar dana yewîya neteweyî ya kurdan û vat: ''Kurdî heta nika bi destê dişmenî ameyî îdamkerdene. Ma rayaumûmîya mîyanneteweyîye ra wazenê ke na bira şaşe bêra raştkerdene.''

Nameyê keyeyan ser o eşkerayîyêke ameye dayene û wina ame vatene: ''Mîyanê çend rojan de Swîsre de vera bira îdamî înîsîyatîfêk do bêro awankerdene.''