Emîne Şenyaşara ke laj û mêrdeyê ci hetê Wekîlê AKPyî Halîl Îbrahîm Yildizî ra kişîyayî verê Edlîyeya Riha de lajê xo 80 rojî yo nobeta edaletî kena. Semedo ke Ferît Şenyaşarî şîyo zîndan birayê xo Fadilî zîyaret bikero Mehmet Şenyaşarî nobete dewr girewte. Keyeyê Şenyaşarî serê sibayî rew pê dowîzê 'Ma têna edaletî wazenê' dest pê çalakîye kerd.

Keyeyanê qurbananê Qirkerdişê Pirsûsî û Wekîla HDPyî ya Riha Ayşe Surucu keyeyê Şenyaşarî zîyaret kerd.

Emîne Şenyaşar zîyaret de vat: ''Edalet çin o. 3 mengî yo ma nobete gênê la êyê ke tûtê mi kiştê hê Pirsûs de gêrenê.''

Dîleke Şekera ke kênaya qurbanê qirkerdişî Îsmet Şekerî ya nameyê keyeyan ser o qisey kerd û vat: ''Ma seba roniştişê 19. yê dewaya Qirkerdişê Pirsûsî Riha de yê. Emîne Şenyaşar zî sey mi tûtê xo û mêrdeyê xo vînî kerdî. Kamî kişt? Kamî babîyê mi kişt? Dewleta gonîwere kişt. Hema zî dewlete ha ma teqîb kena, edalet ça de yo? 3 mengî yo ê nê rayîrî de ronişenê. Ma vanê Pirsûsî rê edalet, her kesî rê edalet. Ma nê têkoşînê edaletî de têkişt ê.''

Keyeyî dima seba roniştişê dewa şîyî bînaya edlîye. Heyetêkê 'Cepheyê Şarî' zî ewro keyeyê Şenyaşarî zîyaret kerd.