Merdimê tepişteyan ê ke grevê vêşanîye û rojeyê mergî de yê, waşt vernîya Hepisxaneyê Bakirkoyî de çalakîya roniştişî bikerê labelê polîsan destûr nêda ci. Naye ser o keyeyan heta meydanê Şîrînevlerî rayraşîyayîş viraşt.
Keyeyê tepişteyan ê ke vera tecrîdkerdişê Rayberê Şarê Kurdî Abdullah Ocalanî grevê vêşanîye û rojeyê mergî de yê, rayêka bîne şîyî vernîya Hepisxaneyê Bakirkoyî.
Keyeyê tepişteyan teba avûkatan û xeylî kesî otorayîr de, vindegehê otobuse yê Çocûk Sîtesî de ameyî têhet û waşt ver bi hepisxaneyî şorê. Labelê polîsan vernîya înan girewte û da zanayene ke ê do destûr nêdanê çalakîya roniştişî. Keyeyî zî rîyê astengîya polîsan ra ver bi meydanê Şîrînevlerî rayra şîyî. Keyeyî kewtî banê HDP’yî yê qezaya Bahçelîevlerî û da zanayene ke, ê do çalakîya xo siba dewam bikerê.
