Emîne Şenyaşara ke di lajî  û mêrdeyê ci hetê merdimanê Wekîlê AKPyî Halîl Îbrahîm Yildizî ra kişîyayî lajê xo Ferît Şenyaşarî reyde roja 96. de nobeta edaletî rê dewam kena. Keyeyê Şenyaşarî peynîya hewteyî de rîyê qedexeyanê tebervejîyayîşî ra  çalakîya xo keyeyê xo de domnenê.

Keyeyî hesabê xo yê medyaya dîjîtalî ra Sereka Pêroyî ya Baskanê Cinîyan ê CHPyî Ayline Nazliaka rê spas kerd ke vizêr aye ey zîyaret kerdî. Eşkerayîye wina ame vatene: Dewaya ma de huqûqê serdestan yeno caardene ma do pê paştdayîşî edaletî bîyarê.