Emîne Şenyaşara ke mêrde û di lajê ci hetê merdimanê Wekîlê AKPyî Îbrahîm Halîl Yildizî ra kişîyayê, lajê xo Ferît Şenyaşarî reyde verê Edlîyeya Riha de nobeta edaletî rê dewam kena.

Roja 490. de bi wesîleya Roşanê Qurbanî Platformê Demokrasî û Kede yê Sêwrege û Komeleya Huqûqnasanê Seba Azadîye (OHD) ya Riha nobeta edaletî zîyaret kerde.

Avûkat Serdar Tumî nobete de qisey kerd û vat: ''Seba ke no keye roşanî fîraz bikero ganî edalet bêro caardene. Ma tim hetê dayîke Emîne de yê.''

Hemserekê OHDyî yê Riha Îbrahîm Halîl Oykuyî vat: ''Ma ameyî ke waştişanê meşrûyan ê keyeyê Şenyaşarî rê paştî bidê. Heta ke waştişê înan bêrê caardene ma do hetê înan de vinderê.''