Keyeyê ke domanê înan seba wedaritişê tecrîdê serê Ocalanî grevê vêşanîye de yê, seba ke veng bidê domananê xo, waşt ke şorê vernîya Hepisxaneyê Bakirkoyî. Parlementerê HDP’yî Hasan Ozguneş û avûkatan zî paştdayîş da keyeyan. Keyeyan waşt serê rayîrê E-5’î ra şorê vernîya hepisxaneyî labelê polîsan vernîya rayraşîyayîşê keyeyan birna û tehdîtê hêrişkerdişê bi keyeyan kerd.

Dayîka bi nameyê Nesîbe Başaran a ke lajê ci Hepisxaneyê Sîlîvrî de grevê vêşanîye de yo vat, “Ma heqdar ê û zerrîya ma vêşana. Ma çend rojî yo roje yê. Domananê ma çîyêko xirab nêkenê. Dewlete çi kena wa bikera zî ma do her roje bêrê tîya. Çend serrî yo ma eynî zulmî vînenê. Êdî bes o no zulm!”