240 rojî yo keye û merdimê tepişteyanê nêweşan û tepişteyanê ke înfazê înan ameyo vêşnayene Amed de nobeta edaletî rê dewam kenê. Merdimanê tepişteyan ewro verê Dezgehê Tipê Edlîyî (ATK) de çalakîya xo kerde û MEBYA-DER, TUAY-DER, DBP, HDPyî paştî daye çalakîye.

Încî Guler nameyê keyeyan ser o qisey kerd û vat: ''Ma venga partîyanê sîyasîyanê ke îmzayan erzenê binê qanûnan la wayîrê îmzayanê xo nêvejîyenê danê ke  şima hema wayîrê şerefê xo nêvejîyenê ke senî wayîrê ma vejîyê. Ewro edalet ma rê la siba zî şima rê do lazim bibo. Tepişteyê nêweşî nênê weşkerdene. Dewleta ke ewro ma rê wina zulmî kena, siba do şima rê zî bikera. Ma nê zulmî qebul nêkenê.''