Grevê vêşanîye yê bêdem-bêagêrayîşî  yê ke rayberîya Leyla Guvene de ameyî destpêkerdene, bi vilabîyayîşî dewam kenê. Çalakîya Guvene ewro kewte roja xo ya  141‘ine û çalakîyê ke zîndanan de 16 Kanûne de ameyîbî destpêkerdene û 1’ê adare de heme zîndanan ra vila bîyî, kewtê roja 103’ine.

Keyeyê Xoverdayoxanê Zîndanan  ê ke Stenbol û Enqere ra ameyî pêser û semedê bicaardişê waştişanê çalakwanan hîrê rojî yo bi waştişê vînayîşê wezîrê edeletî şînê vernîya Wezîrîye Edelatî la nêeşkayî wezîrê edaletî vînê, ewro reyna vernîya Wezîrîye Edeletî de pawenê. Merdimanê çalakwanan ard ziwan ke heta ê ke pêvînayîş mevirazê  pawitişê xo rê do dewam bikerê.