Şaristanê Kielî yê Almanya de vera tedayanê dewleta tirke yê serê HDPyî çalakîyêke ameye kerdene. Çalakîye hetê Federasyonê Elewîyan ê Demokratîkan (FEDA) û Komeleya Elewîyan a Kielî ra ameye kerdene. Hemserekê FEDA Demîr Çelîk, Temsîlkarê Partîya Keskan, çepgîrê almanî û endamê NCDKyî tewrê çalakîye bîyî.

Demîr Çelîkî çalakîye de qisey kerd û vera hêrişanê serê HDPyî bêvengîya warê mîyanneteweyî şermezar kerde.

Vervatoxê Partîya Keskan a Kielî Burak Kocaaslianî zî ard ziwan ke bi seyan sîyasetmedarê HDPyî bîlasebeb tepişîyenê û HDP ronayîşê xo ra nata seba demokrasî û azadîye têkoşîn  keno.