Namzedanê Partîya Çep a Keske yê Wanî ra Havîne Kîye derheqê xebatanê weçînayîşî de ANFyî rê qisey  kerd. 

Kîye da zanayene ke çimeyê pêro meseleyan meseleya kurdan a û vat: ''Ez mamostaya kurdkî ya. 100 serrî yo meseleya kurdan est a û ganî hînî çareser biba.  Adresê pêro çareserîyan Partîya Çep a Kesk a. Partîya ma cinî û ciwanan ser o wayîrê xeylêk polîtîkayan a. Ez do seba çareserkerdişê meseleyanê cinî û ciwanan bixebita. Ez do sey mamostayêka ziwanê kurdî vera polîtîkayanê asîmîlasyonî yê kurdkî Meclîs de têkoşîn bikera. Ez do bikera ke verê kişîyayîşê cinîyan bigêra.''

Kîye pare kerd ke krîzê ekonomîkî paştîya dikandaranê WWanî şiknayê û vat: ''Polîtîkayanê AKP-MHPyî şar kerdo xizan. Coka şarê ma hinî nînan ra aciz bîyo. Şarê Wanî paştîyêka xurte dano ma. Ma nika kombîyayîşanê cinîyan kenê. Ez venga  pêro kesan da ke seba qedînayîşê zulmî, azadîya tepişteyan û şiknayîşê tecrîdî raya xo bidê Partîya Çep a Keske.Şarê ma ganî sindoqan de tewirê xo bimojno.''