Bado ke Endamê Konseya Rayberdişî ya KCKyî Sabrî Okî vat mektubê tehdîtî Rayberê Şarê Kurdî Abdullah Ocalanî rê yenê şawitene, Kongreya Neteweyî ya Kurdîstanî veng da Neteweyanê Yewbîyayeyan û Yewîya Ewropa.
Bado ke Endamê Konseya Rayberdişî ya KCKyî Sabrî Okî vat mektubê tehdîtî Rayberê Şarê Kurdî Abdullah Ocalanî rê yenê şawitene, Kongreya Neteweyî ya Kurdîstanî veng da Neteweyanê Yewbîyayeyan û Yewîya Ewropa.
Eşkerayîya ke bi nameyê Heyetê Rayberdişî yê KNYî de ameye dayene de ame vatene seba ke hetê dewleta tirke û îdareyê zîndanî ra mektubê tehdîtî dîyenê Rayberê Şarê Kurdî Abdullah Ocalanî ê zaf qerqilîyenê.
Eşkerayîye de ame vîrvistene ke Abdullah Ocalan 24 serrî yo binê tecrîdê giranî de yeno tepiştene û adara 2007 de ame jehrkerdene.
KNKyî vat: “Bitaybetî 28 aşmanê peyênan de avûkat û merdimê Birêz Ocalanî nêeşkenê ey zîyaret bikerê. Destûrê pêvînayîşê telefonî zî nîno dayene. Birêz Ocalan tewr peynî 25ê adara 2021î de kilm telefon de qisey kerd. Rixmo ke avûkatî tim semedê pêvînayîş muracatê dezegehanê eleqedaran ê Tirkîya û CPTyî kenê, cewabêk nêdîyeno înan. CPTyî heta nika çîyêk nêkerdo û derheqê Îmralîyî de eşkerayîyêke nêdayo.”
KNKyî veng da Komîteya Wezîran a Konseya Ewropa, Meclîsê Palamenteran ê Konseya Ewropa, Yewîya Ewropa û Neteweyanê Yewbîyayeyan ke wa semedê zîyaretê Rayberê Şarê Kurdî Abdullah Ocalanî heyetêk ronê û heme dewletan û hêzanê sîyasîyan ra waşt ke wa hetê huqûq, sîyasî û dîplomatîkî ra şirê Tirkîya ser.
