Almanya de çalakîyê protestokerdişî yê Erdoganî dewam kene. Çalakîya girde yê vizêr ke Berlîn de virazîyaye ra dima ewro zî bajarê Kolnî de bi hezaran kesî ameyî têhet û Serokkomarê tirkî Recep Tayyîp Erdogan protesto kerd.

Çalakîye hetê platformê ‘Ti xeyr nêameyî Erdogan’ (Erdoğan Not Welcome) ke bi desan dezgeyî tede ca gene, ameye viraştene. Çalakîye de pankarte ke ser o ‘Qetilkar Erdogan‘ Dîktator Erdogan‘ nuşteyo, ameye kiriştene û bi sloganan Erdogan ame prestesto kerdene. Xeylê sîyasedmedarê kurd û almanan mîtîng de qisey kerd û hêrişê Erdoganî yê vera kurdan rê paştgerîya Almanya şermezar kerd. Qiseykerdişan de ame vatene ke hêzê şaran do saltanatê dîktatoran bido ware.