Bajarê Kolnî yê Almanya de bi kombîyayîşêk eleqe ancîya polîtîkaya hêrişkarî ya dewleta tirkî ya Dêrsimî ser. Kombîyayîşo ke Cemxaneyê Kolnî de ame viraştene, temsîlkarê Federasyonê Komelanê Dêrsimî yê Ewropa (FDG) û Federasyonê Yewîya Elewîyanê Almanya (AABF) û hunermendê dêrsimîjî tewr bîyî.

Kombîyayîş de şewatê koyanê Dêrsimî ke bi destê dewlete yenê vetene û bi aşman o dewam kenî girîyayî dest. Reyna kampusê Unîversîteya Mizurî yê Dêrsimî de viraştişê camîyî û Cemxaneyê Dêrsimî de aktîvîteyê aşûreyî de ca girewtişê dewlete û xeylê meseleyê bînî girîyayî dest.

Ame vatene ke meseleya qirkerdişê Dêrsimî tena meseleya dêrsimîjan nîya û na mesela zî meselayanê bînana girêdaye ya.

Kombîyayîş de qerarê sey herinda her dara ke veşaya de ronayîşê lêyêka bîne, merkezê Dêrsimî de ronayîşê cemxaneyêko newe û Dêrsim de xurtkerdişê tevgerê elewîyan ameyî girewtene.