Hemserekê Pêroyî yê HEDEPî Tulaye Hatimogullari û Tuncer Bakirhan zî tede pêroyî wekîlanê partîye semedê pêvînayîşê Rayberê Şarê Kurdî Abdullah Ocalanî muracatê Komîsyonê Heqanê Merdiman ê Meclîsî kerd û veng da ke wa cede Îmrali bêro zîyaretkerdene.

Muracat de ame vîrvîstene ke Rayberê Şarê Kurdî Abdullah Ocalan û Hamili Yildirim, Omer Hayri Konar û Veysi Aktaş yê ke Zîndanê Îmraliyî de tira bi serran o xebere nînan girewtene û ame waştene ke wa cade pêvînayîş bêro kerdene.

HEDEPî vat, ''Abdullah Ocalano ke bi milyonan kesî sey îradeyê xo yê sîyasîyî vînenî, wextê prosesê çareserî de heyetanê hukmatî reyde pêvînayîş kerd, muzakerdoxo serkêş ê meseleyê kurdan û aktoro sîyasîyo esasî yê meseleya kurdan  o, raştê tecrîdê giranî yeno ke no tecrîd şexsê ey de vera kurdan yeno kerdene.

Tecrîdê Îmraliyî vera îradeyê haştîye  û heqê haştîye hêrişêk o. Ganî Komîsyonê Cipersayîşê Heqanê Merdiman ê Meclîsî semedê qedînayîşê nê binpaykerdişê heqan têbigêro. Ganî komîsyon cade Îmrali zîyaret bikero. Pîya bi nê ganî avûkat yan zî sîyasîyan ra heyetêk helêke cuwa ver pêvînayîş bikero.''