Derheqê Rayraşîyayîşê Gemlîkî de qezaya Bagcilarî ya Îstanbulî de kombîyayîş ame kerdene. Avûkatanê Rayberê Şarê Kurdî Abdullah Ocalanî ra Rêzan Saricayî kombîyayîş de vat ke azadîya kurdan bi azadîya Ocalanî mumkîn a.
HEDEPî derheqê Rayraşîyayîşê Gemlîkî de qezayanê Bagcilar, Esenler, Kuçukçekmece û Gazîosmanpaşayî yê Îstanbulî de kombîyayîşî viraştî.
Avûkatanê Rayberê Şarê Kurdî Abdullah Ocalanî ra Rêzan Saricayî kombîyayîşê Bagcilarî de qisey kerd û pare kerd ke 33 mengî yo Abdullah Ocalanî ra qetî xeberêke nêna girewtene. Saricayî dîyar kerd ke pêro heqê Rayberê Şarê Kurdî yenê binpaykerdene û vat: ''Azadîya kurdan bi azadîya Birêz Ocalanî mumkîn a. Seba azadîya ey Rayraşîyayîşê Gemlîkî peynî ney destpêk o.''
Temsîlkarê ANKAY-DERî Huseyîn Dalamanî îfade kerd ke hêzê mîyanneteweyîyî fikranê Birêz Ocalanî ra tersenê coka tecrîdî kenê xurtêr. Dalamanî vat: ''Ganî ma vera Komployê Mîyanneteweyîyî û tecrîdî heta peynî têkoşîn bikerê.''
