Hemserekanê KON-MEDî Rûkene Akça û Kerem Gokî bi eşkerayîyêke bale ante rewşa Rayberê Şarê Kurdî Abdullah Ocalanî ser ke binê tecrîdê giranî de yeno tepiştene.

Eşkerayîya KON-MEDî de ame vîrvîstene ke bi serran o Abdullah Ocalanî ra qet xebere nîna girewtene û nê ameyî parekerdene: “Şarê kurdî derheqê rewşa rayberê xo Abdullah Ocalanî de qet çîyêk nêzano. Rixmê heme cehdkerdişan tecrîd yeno domnayene û qesawetê ma zêdîyenê. Dewleta tirke mektubanê tehdîtî yê bêname û bêadresî dana Abdullah Ocalanî. Îmrali de rewşe zaf vahîm a. Coka gerek cade lazabez na rewşe bêro zelalkerdene.Gerek cade helêke cuwa ver Abdullah Ocalanî ra xebere bêro girewtene.

Abdullah Ocalan Rayberê Şarê Kurdî de yo.Emrê xo semedê azadîya şarê kurdî dayo, wayîrê felsefeya azadîye û roşnîye ya dewrê ma yo. Fîkrê ey hetê bi mîlyonan ra yenê wayîrvejîyayenê  û semedê şaranê dinya bîyî çimeyê hevî. Rayber Apoyo ke bi pardîgmaya xo şer û qirkerdişanê Rojhilatê Mîyanênî rê beno  çare,  gerek dahîna zaf bêro wayîrvejîyayene.

Rayber Apo seba ke sere de meseleya kurdan, meseleyanê bînan de zî rolê ci gird o, binê tecrîdê giranî de yeno tepiştene û tecrîd hema hema heta pêro Tirkîya, Kurdîstan û Rojhelatê Mîyanênî vila bîyo.Coka gerek ma dahîna zaf wayîrê Rayber Apoyî bivejîyê. Eke ma ewro nêeşkenê qet xeberêke ey ra bîgêrê,yeno no mana ke ma kêm wayîrê ci vejîyayî. Nê semedî ra gerek heme şarê ma cade lazabez bi hewayêkê bêmabênî bi çalakî û aktîvîteyan mudahaleyê prosesî bikero.

 Ma xo vîra mekerê ke tecrîd û sîstemê îşkenceyî yê vera Rayber Apoyî hêrişê qirkerdişî yê vera kurdan o. Aye ra  ma sey KON-MEDî veng danê ke wa şarê ma ewro ra tepîya bi çalakî û aktîvîteyan têkoşînê xo xurtêr bikero!”