Paytextê Brîtanya London de Konferansê Kurdan o Hîrêyîn ame kerdene. Konferans de tecrîdê Îmraliyî, meseleya kurdan û rewşa Rojhelatê Mîyanî ameyî ercnayene.

Konferans de Buroyê Huqûqî yê Asrinî ra Mazlûm Dînç vist vîrî ke Rayberê Şarê Kurdî Abdullah Ocalan 25 serran ra nata Îmrali de binê tecrîdî de tepişîyeno.

Vervatoxê Kampanyaya Abdullah Ocalanî rê Azadîye ya Unite the Unionî Simon Dubbinsî qala girîngîya azadîya Ocalanî kerde.

Wekîlanê DEM Partî Feleknase Uca û Cengîz Çandarî ard ziwan ke meseleya kurdan Tirkîya û Rojhelatê Mîyanênî de bena sebebê krîzan û ganî cade na mesele bi rayîranê haştîyaneyan çareser biba.

Akademîsyenê Zanîngehê Cambridgeyî Dr. Thomas Jeffrey Miley û Endama Merkezê Cigêrayîşanê Demokrasîyî yê Îtalya Michela Arricale dîyar kerd ke paradîgmaya Ocalanî seba haştîya Rojhelatê Mîyanênî lazim a.

Netîcenameyê konferansî de nê çîyî ameyî parekerdene: ''Ma tewrê Hemleya 'Abdullah Ocalanî rê Azadîye, Meseleya Kurdan rê Çareserîya Sîyasîye' benê. Seba îstîkrar û haştîya Rojhelatê Mîyanênî ganî cade Ocalan bêro azadkerdene. Ma do seba azadîya Abdullah Ocalanî pêro kanalanê dîplomatîkan bişuxilnê û qala girîngîya ey a seba haştîye bikerê.''