Dîwanê Hemserekîye yê KONGRA GELî  semedê tewrbîyayîşê rayraşîyayîşê Kolnî yê 16ê teşrîna peyêne veng da û nê vatî:

"Hukmatê AKP-MHPyî ke planê ci yê şerî bin kewtî tira ders nêvejeno hêrişanê xo yê vera şarî û gerîlayan rê dewam keno. Rojawan de dezgehê xizmetê şarî û sîvîlî yenê hedegirewtene. Şaredarîyê kurdan bi qeyûman yenê destsernayene. Bi hêrişanê giranan keno ke şarî bikero bêveng. Hetêkî ra qalê haştîya zereyî keno hetê bînî ra hêriş keno. Heta ke Rayber Apo muxatap nêbo qet planêkê çareserîye netîce nêgeno.

Planê AKP-MHPyî bi polîtîkayê tecrîd, hêriş û qeyûmî dewam keno. Vera nê sîyasetî zî şarê ma Êlih,Mêrdîn, Xelfetî û Esenyurt de xoverdayîşê tarîxî dano. Ma nê xoverdayîşî selam kenê ke bajranê bînan ra zî vila bîyo.

Ganî şarê ma yê Ewropa  hemleya Rayber Apoyî rê Azadîye xurtêr bikero ke dahîna zor bido sîyasetê AKP-MHPyî. Semedê nê zî ganî şarê ma û dostê ma 16ê teşrîna peyêne de verê xo bidê Kolnî cewabê Behçeli û Erdoganî bidê. Wextê Azadîya Rayber Apoyî û çareserkerdişê meseleya kurdan ameya. Şarê ma bi azadîya Rayber Apoyî eşkeno azad bibo. Sebebê kayanê AKP-MHPyî no yo.

Coka ganî rayraşîyayîşê ma yê Kolnî biheybet bo. Koln de ma eşkenê cewabê selamê Rayber Apoyî bidê. Bêrê ma pêro pîya vengê şarê xo bidê eşnawitene. Wa erd û azmîn bi vengê Rayber Apoyî rê Azadîye û meseleya kurdan rê çareserîye bizimê.''